Sekretari i Përgjithshëm i Partisë Socialiste, Damian Gjiknuri ka pasur një debat me kryetaren e Komisionit Hetimor Jorida Tabaku gjatë mbledhjes së zhvilluar lidhur me aferën e inceneratorëve.
Gjiknuri e ka cilësuar Komisionin si një eksperiment filmi që realizohet mes shokësh, ku disa bëjnë rolin e rojës së burgut, por këtu nuk ka munguar ndërhyrja e Tabakut e cila theksoi se një nga shokët tashmë , ai e ka në burg.
Më tej gjatë fjalës së tij Gjiknuri shtoi se gjatë detyrës së tij i ka kryer të gjitha detyrimet që ka pasur kontrata kontrate.
Pjesë nga diskutimi:
Tabaku: Si ish-ministër a ndjeni përgjegjësi që paratë e shqiptarëve kanë shkuar në parajsa fiskale?
Gjiknuri: Këtu do të përgjigjem si sekretar i PS. Çdo koment i yti politik është jashtë kontekstit.
Tabaku: Kanë bërë auto-pagesa për veten e vet dhe nuk dihet ku kanë shkuar paratë, ndërkohë që janë miratuar nga institucioni juaja?
Gjiknuri: Nuk ka asnjë konflikt interesi. Për të gjitha pretendimet e tjera nuk është i aftë ky Komision të hetojë, nuk jeni në gjendje të hetoni. Ju më ngjani me një eksperiment te nje filmi ku merreshin kolegët me shokët e klasës , disa bënin rojën e burgut…
Tabaku: Shoku jot i klasës përfundoi në burg, Klodian Zoto.
Felaj: Keni pasur mundësi 1 vit të ndiqni zbatimin e këtyre kontratave, cili nga inceneratorët keni vizituar dhe çfarë keni konstatuar?
Gjiknuri: Kam kryer vizitë në inceneratorin e Elbasanit, aty kam takuar dhe Zoton që më ka shpjeguar lidhur me proceset…
Felaj: Inceneratorin e Fierit keni pasur rast ta ndiqni?
Gjiknuri: Kam pasur rastin të shoh landfillin e Tiranës, pashë që kishte ndryshim nga gjendja që kam pasur vite ta vizitoj nga arsye krejt rastësore…
Felaj: Unë dua të them se retorika që po prodhohet këtu është e pabazë.
Boçi: Vetëm sjellja nuk të shkon ty, unë të dalloj që je Ermonela. Pyetja për zotin Gjiknuri është: Veliaj tha se koncesion është vetëm Tirana, nga Balluku, dhe Ahmetaj kemi dëgjuar gjera të tjera. Nga pikëpamja juaj kush është koncesion?
Gjiknuri: Kjo nuk ka lidhje me dëshminë time. Koncesioni është term për të thjeshtuar më shumë mënyrën e komunikimit, sepse janë të gjitha të natyrës partneritet publik privat. Ky është një debat i karakterit teorik-juridik, shikoni ligjin…
Boçi: Në lidhje me debatin për kontratën 25 vjeçare? Në bazë të kujt kontratë është bërë licencimi?
Gjiknuri: ERE e ka marrë në bazë të drejtës së saj që licencon prodhuesit e energjisë, e ka marrë në bazë të ligjit dhe kontratës…
Boçi: Në bazë kujt vendimi?
Gjiknuri: Drejtohuni ERE-s dhe merrni përgjigjen e saktë. Nuk di çfarë interesi ka kjo…
Boçi: Kontrata 25-vjeçare sepse janë vendimet e institucioneve?
Gjiknuri: I dhashë të gjitha shpjegimet e nevojshme. Nuk e kuptoj se kush është problemi këtu. Ju keni hall tek interpretimi se kush e ka bërë punën më mirë…
Tabaku: Unë e kam shumë të qartë që është dhënë një leje në kundërshtim me ligjin, ju keni interpretim tjetër ne kemi interpretim tjetër…
Gjiknuri: Me duket se pyetjet i keni ndarë në brava dhe anti-brava
Tabako: Kjo kapardisje më duket një arrogancë. T’i kthehemi seriozitetit të Komisionit
Gjiknuri: E qeshura nuk është kurrë arrogancë, të zbut humorin…Gjatë detyrës time kam kryer të gjitha detyrimet e saj kontrate. Asnjë nuk ka dalë të thotë se Gjiknuri ka shkel këtë nen të kontratës… Këshilli i Ministrave ka përcaktuar metodologjinë sepse ligji nuk i jep të drejtë të përcaktojë çmime…
Boçi: Shqetësimi ynë është për paratë e publikut…